Özbək
Özbəkistandan olan anestezioloqiya üzrə tibb bacısı Nilüfər Axror həyat yoldaşı ilə birlikdə ABŞ-a “yaşıl kart lotereyası” adlanan proqram vasitəsilə gəlib.
Hindistanlı texnoloji menecer Aşiş Jain tələbə vizası ilə gəlib. Əfqan keçmiş hərbi tərcüməçi Qarzai Oryaxail xüsusi immiqrasiya vizası qazanıb. Axror, Jain və Oryaxail Cənubi və Mərkəzi Asiyadan artan miqrasiya dalğasının bir hissəsi kimi son iki onillikdə ABŞ-a mühacirət edib.
Siyahıyaalma Bürosunun son məlumatları göstərir ki, ABŞ-da immiqrantların sayı 2010-cu ildə 2,9 milyon idisə, 2022-ci ildə bu göstərici 60% artaraq 4,6 milyona çatıb. Lakin onların Amerika xəyalına can atmaları fərqli yollarla olsa da, bu, açıq bir reallığı vurğulayır: İnsanlar Amerikaya çatmaq üçün istənilən mövcud perspektivdən istifadə edir.
“Yaşıl kart lotereyası” kimi tanınan Müxtəliflik Viza Proqramı özbəklər və digər Mərkəzi asiyalılar üçün ABŞ-a immiqrasiyanın bir yoludur. Axror deyir ki, onun doğma şəhəri Səmərqənd çoxsaylı yaşıl kart lotereya qalibləri ilə məşhurdur. Şəhərin küçələri Amerika arzusunu təqib edənlərə xidmət edən lövhələr və reklamlarla bəzədilib. Onun uduş növbəsi 2003-cü ildə gəlib.
Subay və 19 yaşında olan bu gəncə valideynləri tək miqrasiya etməyə icazə verməyib.
Hindistanlı
Hindistanlı Jain ABŞ-dakı dostları tərəfindən təşviq edilərək, Georgia Tech-də sənaye mühəndisliyi üzrə magistr dərəcəsini davam etdirmək üçün 2007-ci ildə tələbə vizası ilə Atlantaya gəlib. Lakin onun növbəti buraxılış ili maliyyə böhranı və böyük tənəzzülün başlanğıcı ilə üst-üstə düşüb. "Bu, pis vaxt idi" deyir. İlk iş təklifi uğursuz oldu. Lakin üç ay ərzində o, ABŞ-da qalmasına imkan verən başqa bir fürsət əldə edib, çünki tənəzzül zamanı daha az şirkət H-1B vizaları tələb edirdi, onun viza müraciəti sürətlə təsdiqlənib. Ancaq bir çox immiqrantın başa düşmədiyi şey Amerika arzusunun nə qədər uzun bir proses ola biləcəyidir, Jain "uzun" sözünü vurğulayır.
Xaricdə ali təhsil alan hindli tələbələr üçün ABŞ əsas yerdir. 2022-2023-cü tədris ili ərzində ABŞ-da təhsil alan hindistanlı tələbələrin sayı rekord həddə çataraq təxminən 270 000 nəfərə çatıb.
Əfqan
Oryaxailin ABŞ-a səyahəti 2009-cu ildə ABŞ hökuməti tərəfindən və ya onun adından işləyən əfqanlar üçün yaradılmış xüsusi immiqrasiya vizası proqramı ilə başlayıb. 15 il ərzində proqram ABŞ missiyasına kömək edən on minlərlə əfqana viza verən mühüm immiqrasiya marşrutuna çevrilib.
2004-cü ildə Baqram Hava Bazasında tərcüməçi kimi fəaliyyətə başlayan və hazırda 41 yaşı olan Oryaxail 13 il ABŞ ordusunda çalışıb. Ona verilən tapşırıqlar üzrə o, Əfqanıstanın hər tərəfində olub. Mədəniyyət məsləhətçisi kimi nadir hallarda döyüş tapşırıqlarına gedən Oryaxail bir çox təhlükə ilə qarşılaşıb.
“Dəfələrlə minalar partlayıb. Paktiya əyalətinin Zurmat rayonunda biz az qala öldürüləcəkdik, çünki Taliban tərəfindən mühasirəyə alınmışdıq” - deyə, o bildirib.
Onun ABŞ ordusunda da işləyən əmisi oğlunun 2006-cı ildə Taliban tərəfindən tutularaq başı kəsilib. Həyatından qorxan Oryaxail 2007-ci ildə ilk dəfə və 2010-cu ildə isə bir daha xüsusi immiqrasiya vizası üçün müraciət edib. Onun ikinci cəhdi subaylıqdan nişanlılığaa, sonra evliliyə və nəhayət atalığa yol açan yeddi ildə əhəmiyyətli dəyişikliklərlə səbəb olub.
Keçən ay Konqres əfqanlar üçün əlavə 12 000 xüsusi immiqrasiya vizası verilməsinə icazə verib və SIV proqramını 2025-ci ilin dekabr ayına qədər uzadılıb.
Lakin müdafiəçilər deyir ki, bu, Kabilin 2021-ci ildə süqutundan sonra artan tələbatı ödəmək üçün kifayət deyil. Növbədə olan 140 000-dən çox SIV müraciəti ilə ABŞ-a immiqrasiya bir çox əfqan üçün uzaq xəyal olaraq qalır.
Forum